Құрметті ұстаздар!
«Білім үздігі» Республикалық үздік педагогтар байқауының ақтық мәресіне өтулеріңізбен сіздерді құттықтаймыз!
Осыған дейінгі кезеңдерде талмай еңбектеніп, шығармашылық тұрғыда танылып, өздеріңізді жан-жақты белсенділіктеріңізді көрсете білдіңіздер. Сіздер жайлы редакциямызға әріптестеріңізден, шәкірттеріңізден көптеген ыстық ықыласқа толы хаттар келіп түсті. Бұның өзі ұстаздық абырой мен білікті маман екендіктеріңізді аңғартады.
Енді ақтық кезеңде сіздерге 5 минуттық шығармашылық бейнеролик түсіру тапсырмасы беріледі. Бұл тапсырманы берудің өзіндік себептері бар. Ұстаз- шығармашылықтың адамы. Сіздер өздеріңіз турасында әзірлеген бейнероликтер интернет желілерінде таралады. Еліміздің бүкіл ұстаздары мен оқушылары тамашалап еңбектеріңізбен танысады. Өздеріңіздей білікті, білімді, жан-жақты шығармашыл ұстаздарды көпшілікке үлгі етіп көрсету біздің басты мақсаттарымыздың бірі.
Бейнероликке қойылатын талаптар мен бағалау:
Бейнероликтің ұзақтығы 5 минуттан аспауы шарт;
Қатысушы өзінің ұстаздық тұлғасын толық ашып көрсете білуі керек;
Бейнероликте аты-жөні, жұмыс орны көрсетілуі шарт;
сайысқа қабылданатын бейнероликтер форматы: (AVI формат мүмкіндігінше, WMV);
Бейнеролик идеясына баса назар аударылады;
Эрудит – интеллектуалды білім порталында жарияланған бейнероликтерге жазылған пікірлерге де назар аударылады;
Бейнероликтер 20 балдық жүйемен бағаланады; бейнеролик сапасы – 5 бал, мазмұны – 5 балл, бейнеролик ерекшелігі мен идеясы – 10 балл;
Ескерту! Бейнероликтер 11 ақпанға дейін eruditkaz@mail.ru электронды почтасына жіберілуі керек!
Қосымша ақпараттар үшін. «Білім үздігі» байқауына жауапты әдіскер +7 707 679 64 34;
+7 778 452 74 29; (WhatsApp)
Комментарии 2