«Абай мұрасы – ұлт руханиятының темірқазығы: білім беру жүйесіндегі рухани-адамгершілік тәрбиенің негізі» атты І Халықаралық ғылыми-тәжірибелік конференция материалдарының жинағының жарық көруі – ұстаздар қауымы үшін аса маңызды әрі құнды бастама.
Бұл жинақта ұсынылған баяндамалар мен ғылыми-тәжірибелік мақалалар қазіргі білім беру жүйесіндегі рухани-адамгершілік тәрбие берудің мазмұнын терең түсінуге, Абай мұрасын оқу-тәрбие үдерісіне тиімді кіріктіруге, сондай-ақ ұлттық құндылықтарды жаңғырта отырып, оқушы бойында адамгершілік қасиеттерді қалыптастыруға үлкен үлес қосады.
Мұндай басылымдар педагогтердің кәсіби біліктілігін арттыруға, әдістемелік тәжірибесін байытуға және оқу процесінде заманауи, ұлттық негіздегі тәрбиелік бағыттарды тиімді қолдануға зор мүмкіндік береді.