Заманауи калькуляторлардың эволюциясы XVII ғасырда шотландиялық математик Джон Непер логарифмдерді ойлап тапқан кезде басталды.
Ол көбейту мен бөлу амалдарын қосу мен алудың бірнеше операциялары арқылы өрнектеген. Дж.Непердің еңбектері 1622 жылы логарифмдік сызғыштың пайда болуына түрткі болды. Ал екі жылдан кейін германиялық Вильгельм Шиккардтың механикалық калькуляторы пайда болды.
В.Шиккардтың «есептегіші» барлық төрт амалды орындағанымен, оның құрылғысы тез арада ұмытылып кетті. Неміс тарихшысы Франц Хаммер ол туралы жазбаларды мұрағаттан тауып алады. В.Шиккардың қағаздары 1957 жылы жарияланып, оны әлемдегі алғашқы механикалық калькуляторды ойлап тапқан адам деп таниды. Бұған дейін ғылымда калькуляторды француздық Блез Паскаль ойлап тапқан деген пікір туындаған болатын.